Heydər Əliyev İrsini Araşdırma Mərkəzinin nəşri – “Xocalı-1992” kitabının yenidən işlənilmiş və əlavələr edilmiş nəşri çapdan çıxmışdır.

Kitab 1992-ci ildə, erməni silahlı birləşmələri tərəfindən törədilmiş Xocalı soyqırımı qurbanlarının xatirəsinə ithaf olunmuşdur. 

Kitaba Azərbaycan xalqının ümummilli lideri Heydər Əliyevin 1993-2003-cü illərdə xarici ölkələrə rəsmi və dövlət səfərləri ilə bağlı materiallar daxil edilib. 

İlk dəfə ötən ilin aprelində AVCİYA-nın prezidenti, Şamaxının millət vəkili Elxan Süleymanovun təşəbbüsü ilə Azərbaycan, ingilis, erməni, gürcü, Ukrayna və moldav dillərində çap edilən “Tarixi Azərbaycan dövlətləri”  kitabı Bakıda keçirilən Avronest Parlament Assambleyası sessiyasının iştirakçıları arasında yayılıb. Tarixi Azərbaycan dövlətləri haqqında qısa məlumat verilən kitabda həmçinin, həmin dövlətlərin xəritələri öz əksini tapıb. Oxucular arasında böyük maraqla qarşılandığı nəzərə alınaraq kitabın ikinci nəşri Azərbaycan və ingilis dillərində nəşr edilib.

Heydər Əliyev İrsini Araşdırma Mərkəzinin yeni nəşri – “Böyük Liderin 90 anı” kitab-albomu çapdan çıxıb. Azərbaycan xalqının ümummilli lideri Heydər Əliyevin anadan olmasının 90 illiyinə həsr olunmuş kitab-albomda ulu öndərin 1993-2003-cü illərdəki fəaliyyətinin 90 məqamı öz əksini tapıb. 

Kitab Azərbaycan Respublikası ilə Belçika Krallığı arasında diplomatik münasibətlərin qurulmasının 20 illiyinə həsr olunmuşdur.

Kitaba Azərbaycan xalqının ümummilli lideri Heydər Əliyevin və Azərbaycan Respublikasının Prezidenti İlham Əliyevin Belçikanın dövlət və hökumət nümayəndələri ilə görüşlərinin mətnləri, bu ölkəyə səfərləri zamanı etdikləri çıxışlar daxil edilmişdir.

Heydər Əliyev İrsini Araşdırma Mərkəzinin nəşr etdirdiyi Tarixi Azərbaycan Dövlətləri kitabı işıq üzü görmüşdür. Azərbaycan, ingilis, erməni, gürcü, moldav və ukrayna dillərində nəşr olunmuş kitabda tarixi Azərbaycan torpaqlarında mövcud olmuş dövlətlər haqqında qısa məlumatla bərabər onların əhatə etdiyi əraziləri əks etdirən xəritələr verilmişdir.

kitabı yüklə

“Xocalı-1992” kitabı 20 il öncə, erməni silahlı birləşmələri tərəfindən törədilmiş Xocalı soyqırımı qurbanlarının xatirəsinə ithaf olunmuşdur. Kitaba Azərbaycan xalqının ümummilli lideri Heydər Əliyevin və Azərbaycan Respublikasının Prezidenti cənab İlham Əliyevin Xocalı soyqırımı haqqında fikirləri, insanlığa utanc gətirən bu hadisə barəsində məqalə və məlumat-soraq materialları daxil edilmişdir.

"Heydər Əliyev: Azərbaycanın dövlət müstəqilliyi əbədidir" kitabı Azərbaycan Respublikasının müstəqilliyinin Türkiyə Respublikası tərəfindən tanınmasının 20 illiyinə həsr olunub.

1 CİLDDƏ 6 ELEKTRON NƏŞR

Heydər Əliyev İrsini Araşdırma Mərkəzi ümummilli liderin anadan olmasının 88-ci ildönümü ərəfəsində 6 nəşrini elektron formatda yenidən çap edib. Oxuculara təqdim edilən yeni topluda Azərbaycan Respublikasının bir sıra mötəbər beynəlxalq təşkilatlarla münasibətlərinə həsr olunmuş kitabların elektron variantları yer alıb.

"Bakı-Brüssel (Azərbaycan-Avropa İttifaqı münasibətləri)" kitabı çapdan çıxmışdır. Kitab Azərbaycan Respublikası ilə Avropa İttifaqı arasında Tərəfdaşlıq və Əməkdaşlıq haqqında sazişin imzalanmasının 15 illiyinə həsr olunmuşdur. Kitabda ümummilli lider Heydər Əliyevin, Azərbaycan  Respublikasının Prezidenti İlham Əliyevin Avropa İttifaqının rəhbərləri ilə görüşlərdə çıxışlarının mətni, Aİ-nin Ermənistan-Azərbaycan, Dağlıq Qarabağ münaqişəsi ilə bağlı qəbul etdiyi bəyanat, qətnamə və kommünikelər, tarixi arayışlar, məlumat-soraq materialları, foto-şəkillər yer almışdır...

Bu kitab Heydər Əliyev İrsini Araşdırma Mərkəzinin növbəti nəşridir. "Heydər Əliyev: Gürcüstan və Azərbaycan xalqlarının dostluğu dünyada nümunədir" kitabında dost və qardaş ölkələr arasındakı münasibətlər ümummilli lider Heydər Əliyevin və Azərbaycan Respublikasının Prezidenti İlham Əliyevin müvafiq çıxışlarının köməyi ilə şərh olunur.

"Azərbaycan vahid və bölünməz Avropada" kitabı Heydər Əliyev İrsini Araşdırma Mərkəzinin növbəti nəşridir. Kitab Azərbaycan Respublikasının Avropa Şurasına üzv qəbul edilməsinin 10 illiyinə həsr olunur...

Azərbaycan və ingilis dillərində nəşr olunan kitab "İlham Əliyev: Mən jurnalistləri vətənpərvərliyə çağırıram" adlanır...